الفيروس التنفسي المخلوي

يا ترى إيه حكاية الفيروس التنفسي المخلوي دا ؟

اليومين دول في كلام كتير عن فيروس خطير وأدوار برد أعراضها شديدة ومنتشرة خصوصا بين طلاب المدارس .. فكّرِتنا بدور البرد بتاع المروحة إياه

في البوست دا هنكشف عن حقيقة الفيروس وأعراضه ومدى خطورته وكيفية علاجه.

الفيروس التنفسي المخلوي ( RSV) هو فيروس بيصيب الجهاز التنفسي وبشكل خاص الخلايا التنفسية وبيسبب لها الالتهاب وبيعملها حالة دمج وبالتالي بيعيقها عن أداء عملها وهو التنفس بشكل جيد.

أعراضه بتتمثل في الآتي
سيلان الأنف أو احتقانه.
السعال الجاف.
الحمى الخفيفة.
التهاب الحلق.
العُطاس.
الصداع.

هل الفيروس خطير؟
الفيروس سريع الانتشار وبتبدأ تظهر أعراضه بعد أربع أو ست أيام من الإصابة بالعدوى واللي بتحصل عن طريق الرذاذ وبيدخل الفيروس للجسم عن طريق الأنف أو الفم أو العينين.

بتزيد خطورته لو اتنقل الفيروس من جهاز التنفس العلوي إلى السفلي وهنا بتكون الأعراض أكثر شدة مثل
حرارة مرتفعة.
سعال شديد.
أصوات صفير خلال التنفس وخاصة عند إخراج هواء الزفير.
التنفس بسرعة وصعوبة في التنفس.
مظهر مزرق للجلد بسبب قلة الأكسجين.

وهنا ينصح د.أحمد عنتر ضرورة التوجه للطبيب المختص لمعرفة كيفية التعامل مع الحالة ووصف العلاج المناسب لها وتحديد إذا كانت في حاجة للعلاج بالمستشفى أم لا.