بحس كأن ودني مليانة وعندي ضعف في السمع .. والدكتور قالي عندك إنسداد في قناة إستاكيوس!!!
يعني إيه إنسداد قناة إستاكيوس؟
قناة استاكيوس عبارة عن ممر صغير يصل بين الأذن الوسطى والبلعوم الأنفي وبتفتح في أوقات معينة إستجابة للبلع أو المضغ.
قناة إستاكيوس ليها دور مهم في الحفاظ علي صحة الأذنين بيتمثل في
حفظ التوازن.
تهوية الأذن الوسطى.
حماية الأذن الوسطى من البكتيريا والفيروسات المسببه للأمراض.
بتساعد في تخليص الأذن الوسطى من الإفرازات والسوائل وبتمنع تراكمهم .
لكنها بتتعرض للإنسداد في بعض الأحيان ودا بيعوقها عن أداء وظيفتها وممكن يسبب مضاعفات تصل لفقدان السمع.
أعراض إنسداد قناة إستاكيوس بتكون واضحة وتظهر في صورة
الشعور بــ الإمتلاء في الأذنين.
الشعور بإنسداد الأذن.
ضعف وتغييرات في مستوى السمع.
آلم وطنين في الأذن.
إختلال في توازن الجسم.
مش عايزين نقلق خالص إنسداد قناة إستاكيوس مش أمر خطير وسهل جدا علاجه
بس سرعة العلاج مهمه جدا أكشف في وقتها عشان ميحصلش أي مضاعفات
العلاج المظبوط .. أساسه تشخيص صحيح
دكتورأحمدعنتر
مدرس وإستشاري الأنف والأذن والحنجرة
كلية الطب – جامعة أسيوط