لو إبنك بيشتكي من آلم في ودانه وبيبكي كتير وبيشد ودانه .. دا ممكن يكون إلتهاب الأذن الوسطى
بيحصل نتيجة إنتقال عدوي ڤيروسية أو بكتيرية عن طريق قناة استاكيوس بسبب إلتهابات اللحمية واللوزتين أو الأنف والجيوب الأنفية أو من خلال ثقب بطبلة الأذن أو بسبب الرضاعة بوضع خاطئ
ولأن طفلك مش بيقدر يعبر عن آلمه
فمتابعتك ليه أمر مهم جدا
خلي بالك من العلامات والأعراض دي
آلم بالأذن بالأخص عند الإستلقاء.
شد وسحب الأذن.
تصريف سوائل من الأذن.
صعوبة في النوم.
البكاء أكثر من المعتاد.
قيء وإسهال احيانا.
إرتفاع درجة الحرارة.
صعوبة السمع أو الإستجابة للأصوات.
فقدان الشهية وعدم الرغبة في الرضاعة أو تناول الطعام.
لو ظهرت الأعراض دي بعد دور البرد لازم مراجعة الطبيب فورااا… عشان مانتعرضش لمضاعفات
زي فقدان وضعف السمع المؤقت أو الدائم وبالتالي التأخر في الكلام وتأخر نمو مهارات الطفل الإجتماعية.
العلاج المظبوط .. أساسه تشخيص صحيح